Inés sae en liberdade, despois de quince anos presa por asasinar a Charo, a amante do seu ex marido. A súa vida cambiou, pero así tamén a sociedade: o avance do feminismo, as leis de matrimonio igualitario e do aborto, a linguaxe inclusiva. Inés, unha ama de casa tradicional e a quen a maternidade non lle resultou algo feliz, entende que debe ser práctica e adaptarse á nova realidade. Aínda que lle custe. Asóciase coa única amiga que fixo dentro do cárcere, a Manca, e poñen unha empresa dobre: ela ocúpase de facer fumigacións e a súa socia de investigar como detective privada. Como unhas Thelma e Louise do conurbano de Bos Aires, Inés e a Manca enfrontan situacións complicadas, co desexo de reinventarse.
Ata que, inesperadamente, unha das clientas de Inés, a Señora Bonar, proponlle un intercambio moi inquietante; como saída das tebras do pasado, a proposta pode inclinar a balanza perigosamente cara ao lado desfavorable. Pero tamén pode cambiarlles a vida.